處决1938！

黃碧雲去年在明報談法國動亂，提過「穩定的惰性」 vs 「革命／動亂的惰性」。

不斷革命也是惰性使然，鞏固的角式、死硬的綱領和階序，就像和自己要鬥死批死的敵人，一模一撚樣。

社運積極分子為中心／核心的「社運」，或者也是惰性的某種形態。查實這些批評大家耳熟能詳，自己知自己事，拎隻無情雞去示威，隻雞仲食唔食先？食飯先至係問題，做show 解決唔到食飯問題，所以D 阿叔阿嬸會鬧 D人：「食飽飯無屎疴無野揾野黎搞。」

那就回到語言的currency 和社會人脈溝通的題目上。平時唔見你，就淨係响議事廳、電視見到你做show，又一個二個拉拉扯扯阻Q 住人收工，點會相信他們的大話？

12 月故然是場大show，它就是將我們一向生活的showiness 騷了出來，生活行之以持的價值和秩序，一旦崩破，多數人自然好想、亦有人會有好多嶄新方法要將秩序從新整固、甚至要防範未然。每次秩序從新整固，註定有人要Ding 走、有人做哈巴狗。

除非你覺得自己一切有所掌握，沒甚麼東西at stake，否則或多或少就只能退守下去。正所謂，揸頸就命。就好似隻冰鮮雞咁，雞唔似雞，野食唔係野食，俾人攞黎攞去，與自然界食物鏈完全脫哂節，遺棄現世。

人要尊嚴企住活下去，關乎信心、創造力和意志，而呢三樣野，去多幾次婚宴、去多幾次差館、見多幾次醫生，見多幾次福利官，好快就無Q曬：人情得銀紙咁薄，制度性暴力血肉身軀不能擋，所以人到中年抑係成聖、抑係墮落。

又更甚者，長期沒法參與社會，孤僻而成忌恨，咬牙切齒，以眼還眼，其實都係自我形穢。

我唸黎唸去，剩係唸到三個題目：

1)藝術的創造性想像
2)香港殖民史社會學研究
3)重建社區人脈和物資的流通

三個題目落在偽術家／學者／社運頭目會有他們的立場和處理，唔強姦民眾已經執到偷笑，不過有些人，在做著一些無人會大書特書的事，游離的 Free radicals可以促使異變。